Mieen plat cv.  (Mieen cv in 't Sjilves Plat)



Ich bin de oudste zoeën van Juup Doame en Lena Jessen en bin op 26 september 1940, in Sjilvend aan de Boewberg, geboare. Ich hub noch een zuster, die get jonger is, "oees Lies". Es kleen kinjer hubbe vieër ooch aan de Boewberg gewond.
wij Op Krissdaag 1945 is oos Mam gesjtorve. Ich kan mich neet veul, eigenlik nieks van heur herinnere. Ich hub waal een paar fotoos woeë zieej opsjteet, dat is dan ooch alles. Vieër zint mer ein paar joar same gelukkig gewaes.
De pap is in 1947 weer opnuuj getrowd en vieër zint doew verhoeesd nao de Nuujwieeksjtraot. Uëver de mam woeërt neet mieë gesjpraoke. Ich sjpraek dus neet mieë uëver d’r Pap zieen twieëde vrow.
De lieëgere sjoeël hub ich doeërlope op de jongessjoeël aan de Sjoeëlsjtroat. Doa hub ich nog een foto van. Het is de twieëde klas, geleuf ich. Een aantal jonge, die doa opsjtao, zint intussje al bieej Pieëtrus. De res zit noee bieej hêum in de wachkamer, dink ich dikker..
klas 2 nov. 1947 D’r Pap is in 1952 op de koeel verongelukt, gestjikt in gaas. Van doew aaf woar t lang kloeëte.
Zoeë wiej de meeste jonges en maedjes và Sjilvend bin ich noa de lieëgere sjoeël ee paar joar in Bronssum noa sjoeël gegange. Wiej ich oud genog woar bin ich de koeel op gegange. Keem tenminste get geldj binne en woar ich van de kwatsj van ”Doee verdeens toch ooch nieks!” aaf.
Ich bin mer een jaor of driee op de koeel geblieëve, mer ich hub d'r vêul gelieërd. Dae tieed haet waal de res van miee laeve bepoald, dink ich. Ich hub doa luuj lieëre kinne en waardaere, diej ich noeëit mieë vergaet. Thei van Willems, getrowd met To va Jansse, woar doa ene va. Es ich zoeëgezag ”mit de kloeëte aan de grondj zoot” , holde Thei mich der weer ummer boave op. Hae woar d’r fijnste koempel dae ich doa gehad hub. Met hêum koosj-te altieed waal weer lache.
fluitencorps Hae haet mich ooch gelieërd wiej ich ene ekstra daag verlof koosj bieejkrieege. Doa woar doew nog gene vrieje zoaterdig en vieër houwe mer vieertieën daag verlof in het jaor. Geweun, twieë tenj loate trikke en doee koosj ene daag ziekvieere. Krank zin woar fieës!
Thei woar ooch ene verwoede vussjer. Same ginge vieër hengele bieej Al op de pool. Houwe gene zin om op middigsjiech te vare. Makde weer mer ein boemelsjiech. Op ’t inj van ’t joar makde Verhoare van de peroneelsdeens doa waal een onbetaalde verlofsjiech va.
Ich bin ooch nog een tieedje in het Trommel- en Fluitecorps gewaes. Ich hub doa ooch nog een feutukke va gevonge en aafgedruk. Ich weet zelfs nog wae d’rop sjteet. Dat zint van links noa rechts: Wielie Renneberg, Jan Hermans, Sjeng Scheeren en ich.
Noa driee joar koeel, hauw ich ’t gans gehad en bin in het laeger gegange. Twieë joar doanoa woar ich vriejje man en bin op het Centraal Lab van DSM goan wirke. Ich hauw in deens al get gelieërd en hub doanoa nog doeergelieërd. Egelik hub ich t werk doa altieed sjoeën gevonge, tot de litste jaore. Toen begoste ze alleen nog mer te zevere uëver geldj en de koers van ’t aandeel.
Ich woar bliej wiej ich inj 1999 koosj sjtoppe. Ik mis ’t neet en weet ooch de koers neet.


Veur mich, oet 't Hollesj vertaald doeër Frans Peiffer

(C)

FvdB

mei 2000




email me mailbus van www.sjilvends mouse over
fra1.jpg
me



2000 - 2013 www.sjilvends.nl ~~
# Copyright en privacy statement #