Ut kweezelke zit vuueraan in de kirk
En kiekt vroom in zien heilig beukske
He hoopt dat iedereen ut mirkt
En sjtraks krit hae ee keukske
Meneer pasjtoer, meneer pasjtoer
De gemeinsjap interesseert um geen moer
Ut kweezele zit um in ut blood
En dat kint hae ooch biezonjer goot
Hae hoopt dat eewig’ gnade hae tog krit
Wat ziene buur dinkt, dat is toch shit
Pasjtoer hie, pasjtoer doa
De geestelijkheid die steet hum noa
En es ut neet geloage is
Dan is het toch ech woar
En ziene tied da is gekomme
Dan is ut kweezelke oetgehelt
Hilt de gemeensjap zig vuur de domme:
Dan wuurt doer ene angere wieër gehelt.
Wim Janssen
|
