Bie Dummer koosje van alles krieege
Fietse, benj en ooch nog naegel
Soms koosj ut boave de patsj sjtiege
Iedereen woar welkom, selfs de grotste vlaegel
Keemse binne en woasje neet gevalle
Ueever baenj, panne en moezevalle
Dan how se geluk want
Ueeveral loog, sjtong en hing waal wat
Vuur de jonges woar ut de grootste sjat.
De jonges sjtonge vuur iedereen kloar
Vuuer Sjeng, Jan en Huub van de Boa
In ut wirkes woar ut ene groeewte janboel
Mer wirke koostje ze ene ganse boel
Keem se ut wirkes binne
Dan zou ut waal es zoe kinne
Dat diene fits doa neet miee sjtong
Wat mak se mich da noe weer jong ?
Dan sjtong ur in de winkel
As nuuje fiets van Pietje Sinkel
Zoee is Dummer da gegange
Mit sjtil trom en zonger franje
En vuur ieewig en ummer
Misse vier de winkel va Dummer
Wim Janssen
|
